Algengar spurningar [FAQ]

Komast allir inn á afreksíþróttasviðið?

Stutta svarið er nei. Árlega fáum við margar umsóknir og flestir komast inn.

  • Fyrsta sem þarf að huga að er að umsóknin um nám í skólanum sé samþykkt.
  • Í öðru lagi þarf að vanda rafrænu umsóknina og fá einstakling sem hefur unnið með viðkomandi í gegnum íþróttastarf til að vera til í að gefa meðmæli, m.a. um að viðkomandi stundi íþróttina sína af fullum krafti.

Hér er rafræna umsóknareyðublaðið:

Umsóknareyðublað afreksíþróttasviðs fyrir vorönn 2021

Uppfært fyrirkomulag umsókna á afreksíþróttasvið

Get ég tekið afreksíþróttasviðið með öðrum sviðum á borð við málmiðnir, bíliðnir eða listgreinar?

Tímaskipulag afreksíþróttasviðsins er skipulagt samhliða bóknámsbrautum skólans. Önnur svið geta gengið upp, og hvern einstakling (og námsáætlun viðkomandi) þarf að skoða sérstaklega. Viðbúið er að ekki verði hægt að taka afreksáfanga á hverri önn og eða að það hægist á 3ja ára námsframvindu. Þessi mál þarf að skoða á einstaklingsgrundvelli og er það gert með kennslustjórum skólans.

Í hvað fara 40.000 kr efnisgjaldið sem greitt er á hverri önn?

Gjöldin fara í að greiða afreksíþróttafatnað á hverri haustönn sem samanstendur af síðerma æfingapeysu, tveimur íþróttabolum, tveimur stuttbuxum og tveimur sokkapörum. Að auki fara allir nemendur í sérstaka ferð að hausti. Nýnemar hafa farið í hjólaferð og eldri nemendur fara í önnur ævintýri í dagferð. Þá eru viðburðir að hausti og vori á borð við þemadagana okkar kostaðir af þessum gjöldum. Í þeim eru innfaldir þjálfun og kennsla ásamt fæði og skemmtun. Að auki er kennsluefnið sjálft, bókin Þjálffræði sem hefur nýlega verið endurútgefin verið innifalin í gjöldunum. Hún er undirstaða samstarfs við ÍSÍ um mat á námi okkar til þjálfarastigs 1 og bóklegs hluta 2.

Síðasta vor birtist eftirfarandi pistill sem tengist þessari spurningu.

Hvernig er umgjörðin á afreksíþróttasviðinu?

Hvernig er tryggingum háttað á afreksíþróttasviðinu?

Við erum tryggð fyrir varanlegri örorku hjá TM (sjá nánar skilmála). Sjá sérstaka skilmála á síðunni okkar. Aðrar tryggingar fyrir íþróttaslysum eru ekki fyrir hendi og því eru iðkendur á eigin ábyrgð á æfingum hjá okkur.

Hvaða einstaklingsgreinar koma til greina inn á afreksíþróttasviðið?

Í dag samþykkjum við allar íþróttagreinar sem falla undir eftirfarandi skilyrði:

Við umsóknir er miðað er við að nemendur stundi íþrótt skipulega undir handleiðslu þjálfara. Að nemendur hafi æft sína íþrótt, öðlast góða færni og að vera virkur iðkandi í íþróttafélagi.

*Afreksíþróttasvið áskilur sér rétt til að hafna umsókn ef sýnt þykir að umrætt íþróttastarf standist ekki kröfur sviðsins sem gerðar eru um skipulag æfinga og þjálfun undir stjórn þjálfara.