Fréttabréf nr. 20 í röðinni er komið út og er það tileinkað að mestu því sem gerðist í febrúarmánuði.
Hér má nálgast pdf útgáfuna – gjörið svo vel.
SÞ
Takk fyrir komuna á kynningardag :)
Kynningaræfing á afrekinu fyrir 9. og 10. bekk
Nemendum í 9. og 10. bekk er boðið á sérstaka kynningaræfingu á afrekinu. Æfingin verður í formi hraðaþjálfunar og viðbragðs í bland við sálfræðilega ráðgjöf. Til að taka þátt í æfingunni þarf að mæta stundvíslega í íþróttafatnaði og innanhússskóm.
Þarna gefst nemendum einnig tækifæri á að kynnast sviðinu og spyrja verkefnisstjóra og kennara um fyrirkomulagið.
Æfingin fer fram í Fjölnishöll, fjölnotaíþróttasal Egilshallar. Gengið er inn um aðalinngang, framhjá fimleikum og inn eftir ganginum að stóra salnum.
Með umsjón æfingarinnar fara Sveinn Þorgeirsson og Hreiðar Haraldsson
SÞ
Góðar umræður um afreksíþróttastarf í framhaldskólum
Eftir dagskrá morgunsins á miðvikudeginum “Svefn, æfing og næring” tóku kennarar og nokkrir nemendur sviðsins þátt í umræðum um hvernig staðið er að afreksíþróttasviðum – hvað sé hægt að læra af starfinu í Danmörku og hvað við getum bætt hér heima.
Þetta var algjörlega frábært að fá góða gesti víðsvegar að. Margar áhugaverðar hugmyndir komu fram og munu þessar umræður eflaust hafa a.m.k. örlítil áhrif á það hvernig við störfum í framtíðinni.
Sérstakar þakkir fá Þórarinn Alvar Þórarinsson fyrir aðstoð við uppsetningu þessum viðburði og Danirnir Christian og Laurits fyrir kynninguna á starfinu í Skanderborg (SHEA).
SÞ
Takk fyrir okkur!
Við í Borgarholtsskóla viljum nota tækifærið hér og þakka kærlega fyrir okkur. Þakka fyrirlesurum okkar, Siggu Láru frá HÍ (Svefn),
Inga Þór frá HR (Æfing) og 
Birnu frá Hæfi (Næring) fyrir frábær innlegg.
Sjálfur talaði verkefnisstjórinn ykkar um mikilvægi þess að muna að árangur næst aldrei án aðstoðar baklandsins (fjölskyldu, vina og sérfræðinga), og mikilvægi þess að hlúa að jafnvægi í lífunu hvað varðar líkamlega, andlega og félagslega þætti. Leiðin að árangri er hvorki beinn né breiður vegur – heldur seinfær ómerktur slóði 🙂
Góða helgi!
SÞ
Nýtt og uppfært umsóknareyðublað
Sæl öll,
Nýtt og uppfært umsóknareyðublað má nálgast hér.
Minni á að það þarf að sækja um sviðið á menntagatt.is fyrir tilgreindan frest hverju sinni og að skila inn MEÐMÆLABRÉFI frá þjálfara sem viðhengi við umsókn.
Umsókn skilist á sveinn@bh.is eða í hólf verkefnisstjóra á skrifstofu skólans við Mosaveg í Grafarvogi.
SÞ
Nýjasta fréttabréfið er komið út!
Hér er nýprentað fréttabréf afreksíþróttasviðsins fyrir janúar-mánuð, heldur seint á ferðinni en skilar sér þó 🙂
Þar ber auðvitað hæst viðburðurinn “Svefn, æfing og næring” sem fer fram á þemadögum sviðsins í næstu viku. Nánar í blaðinu….
SÞ
FYRIRLESTRAR fyrir nemendur og foreldra!
Sæl öll,
Í tilefni af Skóhlífadaga, þemadaga Borgarholtsskóla verður efnt til fyrirlestra sem nemendur afreksíþróttasviðsins mæta á og forráðamönnum þeirra er einnig boðið að mæta. Fyrirlesararnir eru frábærir og efnistökin áhugaverð!
Hlökkum til að sjá ykkur miðvikudaginn 13. febrúar í SAMBÍÓunum Egilshöll, sal 2. Aðgangur fyrir forráðamenn er ókeypis.
með kveðju
SÞ
Nýtt og uppfært leyfisumsóknarblað
Sæl öll,
Meðfylgjandi er nýtt og uppfært leyfisumsóknarblað. Vinsamlega kynnið ykkur það og reglur um leyfi vel áður en sótt er um. Gangi ykkur vel!
AFR_umsokn_leyfi_vor_2019_nytt
SÞ
