Þann 17. júní sl. útskrifaðist, kennari við Afreksíþróttasvið Borgarholtsskóla, golfi, Davíð Gunnlaugsson úr 3ja ára PGA námi hér á landi. Davíð stóð sig hreint frábærlega og hlaut sérstök verðlaun fyrir bestan námsárangur og besta einkakennsluprófið. Þetta er ennfrekari staðfesting á því sem við vissum að kennslan í golfinu á AIS er í fremsta flokki, þar sem Davíð hefur haft veg og vanda af þeirri kennslu undanfarin ár.
Námið er til þriggja og viðurkennt af PGA í Evrópu og veitir þar með alþjóðleg réttindi til golfkennslu. Þetta eru frábær tíðindi, og AIS óskar Davíð innilega til hamingju með þennan áfanga.
Hér má sjá Davíð við útskriftina úr PGA náminu með viðurkenningarnar fyrir árangurinn.
F.h. AIS
Sveinn Þorgeirsson, verkefnisstjóri