Posted on

Afrakstur gildisvinnu

Hér að ofan má sjá afrakstur gildisvinnunar frá því í fyrstu lotu. Þarna eru fullyrðingar nemenda sem lýsa því best hvernig þau sjá viðkomandi gildi. Gildin voru skrifuð af nemendum, flokkuð af kennurum og svo að lokum kusu nemendur þær fullyrðingar sem þóttu eiga best við hvert gildi.

SÞ

Posted on

Allir í bátana!

Þá er haustönnin loksins að hefjast. Fyrstu tímarnir verða kenndir í þessari viku og kennarar eru þessa stundina að leggja lokahönd á skipulag námsins í haust. Það er tilhlökkun í kennaraliðinu þar sem við ætlum að frumsýna uppfært skipulag sem við teljum að verði til þess fallið að styrkja sviðið enn meir.

Fyrsti tími með okkar á afrekinu með ykkur nemendum verður á miðvikudaginn 20. ágúst.

2. og 3. árs nemendur mæta kl. 8:10 í stofur 108 og 110 í Borgó

Nýnemar mæta kl. 9:10 í stofum 108 og 110 í Borgarholtsskóla

Posted on

Landsliðsstyrkur vorsins 2019 – til hamingju!

Í síðustu viku var landsliðsstyrkur veittur í 10. sinn í Borgarholtsskóla. Alls voru það 12 nemendur sem hlutu styrk upp á 25.000 kr. Hér að neðan er yfirlit yfir verkefnin þeirra og óskum við þeim til hamingju með árangurinn og gleðilegt sumar!

Frá 10. afhendingu landsliðsstyrks í Borgarholtsskóla fyrir vor 2019. Efri röð frá vinstri, Sveinn verkefnisstjóri, Ragna, Brynjólfur, Stígur, Goði og Ásta aðstoðarskólameistari. Neðri röð frá vinstri; Benedikt Gunnar, Dagbjartur og Þórður Jökull. Á myndina vantar Daníel Sverri, Magnús Gauta, Steindór Mána, Þorgils og Kristófer Karl.

 

Daníel Sverrir ásamt dansdömu sinni á móti í XXX fyrr í vor.
Daníel Sverrir ásamt dansdömu sinni á móti í XXX fyrr í vor. Árangur hans undanfarin misseri hefur verið frábær og nægir þar að nefna að parið er Austur Bandaríkjameistari í U21 tvö ár í röð, 2018-2019, Austur Bandaríkjameistari í Amateur Rising Star 2019. Þá lentu þau í 21. sæti í Blackpool U21 sem er sterkasta danskeppni í heimi og hafnaði í 4. sæti á HM í París 2018.
Steindór Máni tók þátt í sterku Evrópumóti í Álaborg í Danmörku í febrúar á þessu ári með landsliði Íslands í keilu.

 

 

 

Magnús Gauti borðtenniskappi hér lengst til hægri ásamt félögum sínum í landsliði Íslands. Magnús tók þátt á heimsmeistaramóti í einstaklingskeppni fullorðinna í Budapest. Það var í fyrsta sinn sem hann keppir á heimsmeistaramóti og stóð hann sig vel. Hann keppti við firnasterka andstæðinga og sá besti var meða 100 bestu í heiminum í dag.
Stígur Hermannsson Aspar lék með íslenska karlalandsliðinu í íshokkí skipað leikmönnum 18 ára og yngri í A-riðli 3. deildar á heimsmeistaramótinu í Búlgaríu. Í riðlinum spiluðu Ísland, Búlgaría, Ísrael, Tyrkland, Mexíkó og Nýja Sjáland. Ísland tók silfrið eftir að hafa hafnað í öðru sæti með 3 sigra.
Brynjólfur (á mynd til vinstri) og Ragna taka þátt á Smáþjóðaleikunum síðar í þessum mánuði og óskum við þeim góðs gengis. Undirbúningur í vor hefur gengið vel og verður því spennandi að fylgjast með þeim úti í Svartfjallalandi.
Þórður Jökull tók þátt með landsliði Íslands á Evrópumóti ungmenna í karate í Álaborg í febrúar 2019. Þá keppti hann á á sænsku bikarmóti í karate í Stokkhólmi mars 2019. 5 sæti í bæði 16-18 ára og fullorðinsflokki.
Dagbjartur (þriðji frá vinstri) og Kristófer (fjórði frá vinstri) hlutu styrk fyrir verkefni á vegum yngri landsliða í golfi. Kristófer fór með landsliðinu til Budapest í september og keppti í Berlin í október. Hann keppti á þremur mótum í Florida í vetur og fór með A landsliðinu til Spánar í janúar. Dagbjartur hefur keppt með landsliðinu í Octagonal Match á Spáni og höfnuðu þeir í 4 sæti. Dagbjartur náði góðum árangri á Ítalíu í mars og Skotlandi núna í apríl.
Benedikt Gunnar og Goði Ingvar kepptu með U19 ára landsliði Íslands á móti í Þýskalandi milli jóla og nýárs í fyrra. Stóðu sig vel og höfnuðu í 3ja sæti.
Þorgils í kröppum dansi með U20 ára landsliði Íslands í íshokkí fyrr í vetur. Liðið hafnaði í 3. sæti í mótinu.
Posted on

Hvernig sæki ég um á afreksíþróttasvið og nám í Borgarholtsskóla?

Í vor fá nemendur í 10. bekk sérstakt tækifæri til að gera upp hug sinn varðandi framtíðina. Nemendur sem hyggjast sækja um á afreksíþróttasviðinu okkar í Borgarholtsskóla er bent á að gera eftirfarandi svo allt gangi smurt og vel fyrir sig.

Bóknám + afreksíþróttasvið = Þið sækið um á menntagatt.is viðeigandi bóknámsbraut í Borgarholtsskóla sem tengd er við afreksíþróttasviðið fyrir tilgreindan frest OG skilið inn umsókn og meðmælabréfi á skrifstofu skólans eða með tölvupósti á sveinn@bhs.is fyrir 5. júní.

Listnám/iðnnám + afreksíþróttasvið = Þið sækið um viðeigandi nám innan Borgarholtsskóla á menntagatt.is fyrir tilgreindan frest OG skilið inn umsókn og meðmælabréfi á skrifstofu skólans eða með tölvupósti á sveinn@bhs.is fyrir 5. júní.

Hér er rafræna umsóknareyðublaðið. AFR_umsokn_vor_2019-20

Nánari upplýsingar um umsóknarferlið á afreksíþróttasviðinu veitir undirritaður.

Sveinn Þorgeirsson, verkefnisstjóri

Posted on

Takk fyrir komuna VOSS GYMNAS!

Við fengum frábæra heimsókn í vikunni – nemenndur frá Voss gymnas æfðu og lærðu hjá okkur í vikunni. Þetta voru algjörir fyrirmyndar nemendur og frábært að hafa þau. Gangi þeim vel í komandi verkefnum og við hlökkum til að fá annan hóp frá norsku vinum okkar á næsta ári. #Afreks Borgarholtsskóli

Heimsókn þeirra var hluti af Nordplus samstarfi skólananna. Í fyrra fór 12 nemenda hópur frá okkur í handbolta og fótbolta til Voss. Samningurinn er til 2ja ára og því fer annar hópur frá okkur næsta haust og við fáum annan hóp frá þeim næsta skóla ár. Hlökkum til þess!

Þá vill ég nota tækifæri til að þakka Þórarni á ÍSÍ fyrir að taka á móti þeim, okkar nemendum fyrir aðstoðina við að búa til gott prógramm í kringum heimsókn þeirra hingað og þjálfara í Fjölni fyrir að taka vel á móti nemendumm VOSS og bjóða á æfingar í handbolta og fótbolta.

SÞ

Posted on

Opnað fyrir umsóknir um landsliðsstyrk vorsins 2019

Kæru nemendur,

Hér má nálgast hlekkinn til að sækja um landsliðsstyrkinn hjá okkur fyrir tímabilið frá síðustu afhendingu í desember 2018. Nánar um reglur styrksins má sjá hér: http://afrek.bhs.is/?page_id=1081 

Hér er svo sjálft umsóknareyðublaðið og fresturinn er til 6. maí nk. og afhendingin fer fram þann 8. kl. 12:30 í Borgarholtsskóla.

https://goo.gl/forms/B0MEFVJvVFswETMg2

Þessi mynd er frá afhendingunni núna í desember sl.

Með bestu kveðju

SÞ og kennarar