viðurkenning – Afreksíþróttasvið Borgarholtsskóla

May 28, 2021May 26, 2021

Verðlaun og skírteini á útskrift

Í lok hverrar annar uppskera nemendur eins og til hefur verið sáð. Nú er komið að því að kveðja nemendur sem eru að ljúka skólagöngu sinni í Borgarholtsskóla og halda á vit nýrra ævintýra. Okkur finnst eins og þessi árgangur sé nýbúinn að innritast hjá okkur, en auðvitað er ekki svo. Þau fóru flest í góða hjólaferð í upphafi náms hér í Borgarholtsskóla og komust í gegnum námið samhliða heimsfaraldri hvorki meira né minna.

Viðurkenningar fyrir námsárangur

Tveir nemendur fá viðurkenningu fyrir frábæran námsárangur á afreksíþróttasviði. Það eru þau Eyþór Blær og María Björg. Þau hafa staðið sig frábærlega allt frá upphafi síns námsferils hjá okkur hafa verið til fyrirmyndar í ástundun og viðmóti. Til hamingju!

Samstarf við ÍSÍ um mat á námi

Hluti af samstarfi afreksíþróttasviðs Borgarholtsskóla við Íþrótta- og Ólympíusamband Íslands er fólgið í því að nemendur okkar fá námið sitt metið til 1. stigs og bóklegs hluta 2. stigs í þjálfaramenntun ÍSÍ. Þau fá staðfestingarskírteini við útskrift og ÍSÍ fær upplýsingar einnig um hvaða nemendur luku þessum áfanga hjá okkur. Hver veit nema einhverjir nemendur hafi áhuga á þjálfun í framtíðinni 🙂

Hér er mynd af því skírteini sem nemendur fá til staðfestingar á því að hafa lokið viðkomandi bóklegu námi

Útskriftarnemendur vor 2021

Hér eru nöfn þeirra nemenda sem útskrifast frá okkur í vor.

Arnór Tjörvi Þórsson	Golf
Aron Snær Ingason	Fótbolti
Benedikt Gunnar Óskarsson	Handbolti
Dagbjartur Sigurbrandsson	Golf
Dagur Ingi Ingason	Handbolti
Elvar Már Kristinsson	Golf
Emil Bjartur Sigurjónsson	Klifur
Erik Hallgrímsson	Fótbolti
Eyþór Blær Guðlaugsson	Fótbolti
Ísabella Anna Húbertsdóttir	Fótbolti
Ísar Freyr Jónasson	Körfubolti
María Björg Marinósdóttir	Fótbolti
Mikael Daníel Guðmarsson	Frjálsar
Ólafur Kristinn Jónsson	Folf / Handbolti
Óliver Máni Scheving	Fótbolti
Orri Þórhallsson	Fótbolti
Patrik Hermannsson	Fótbolti
Rafal Stefán Daníelsson	Fótbolti
Sigvaldi Örn Óskarsson	Blak
Steindór Máni Björnsson	Keila
Úlfur Árnason	Frjálsar
Viktor Andri Hafþórsson	Fótbolti
Þórður Jökull Henrysson	Karate
samtals 23 nemendur

Listi yfir útskriftarnemendur okkar frá afreksíþróttasviði vorið 2021.

Það er komið að leiðarlokum okkar með þessum stóra og frábæra hópi nemenda. Við munum sakna ykkar úr skólanum, svo mikið er víst. Gangi ykkur sem allra best í þeim verkefnum sem ykkar bíða!

fyrir hönd kennara á afreksíþróttasviði Borgarholtsskóla

Sveinn Þorgeirsson, verkefnisstjóri

January 28, 2020

Landsliðsstyrkur veittur í 11. sinn

**Frá 11. afhendingu landsliðsstyrk fyrir haustmisseri 2019.** Frá vinstri, Sveinn verkefnisstjóri, Brynjólfur (sund), Jóhann Árni (fótbolti), Þórður Jökull (karate), Sigvaldi (blak), Ragna (sund) Bergrún (frjálsar íþróttir), Samuel (karate), Böðvar (golf), Gestur (borðtennis). Á myndina vantar Elínu (íshokkí), Valdísi (blak), Dagbjart (golf), Þórð (fótbolta) og Benedikt Gunnar (handbolti).

Elín Boamah Darkoh Alexdóttir fór í ferð með U20 ára kvennalandsliði Íslands í íshokkí til Skotlands

Benedikt Gunnar fór í ferð með U17 ára landsliði Íslands í handbolta á opna Evrópumótið í Gautaborg 30. júní – 6. júlí 2019. Liðið spilaði um 3 sætið og vann þann leikinn og fékk því brons.

Samuel Josh Mazanillo Ramos karatemaður fór til Helsinki og keppti aftur í opna og -63 kg flokkinum og lenti í fyrsta í -63 og þriðja í opna. Í september varð hann svo Smáþjóðaleikameistari í -63 annað skiptið í röð. Í nóvember keppti hann á Norðurlandameistaramótinu á sterkt mót þar sem hann tapaði fyrsta bardaganum sínum.

Gestur Gunnarsson fór í A-landsliðsferð á alþjóðlega mótið Estonia open í Tallinn, Eistlandi. Árangur var ekki eins og vonir stóðu til en hann þó hafði sigur gegn einum afar sterkum leikmanni Lettlands. Hann öðlaðist mikla reynslu í þessari ferð og lærði mikið. Mótið stóð fór fram 28. nóv-1. des. 2019.

Þórður og Jóhann Árni með landsliði U19. Þeir spiluðu æfingaleiki gegn Finnlandi og Svíþjóð með u-19 landsliðinu þann 9. og 11. okt. 11. nóvember fóru þeir til Belgíu að keppa á undankeppni EM og gerðu góða ferð því eftir 3 leiki gegn Albaníu, Grikklandi og Belgíu komumst þeir upp úr riðlinum og eru komnir í milliriðla.

Á myndinni má sjá Davíð Gunnlaugsson kennara 2. frá vinstri. Böðvar er svo 4. frá vinstri og Kristófer Karl 5. frá vinstri.

Sigvaldi blakmaður í landsliðsbúningnum.

Valdís rétt fyrir leik með unglinga landsliði Íslands í blaki.

Ragna lengst til vinstri og Brynjólfur við hlið hennar. Ragna keppti á Norðurlandameistaramótinu í sundi helgina 28. nóvember til 1. desember og náði þriðja sæti í 800 metra skriðsundi og var nálægt sínum besta tíma. Þá tók hún einnig þátt í 4x200metra boðsundi með íslensku sveitinni.
Brynjólfur náði sér ekki alveg á skrið og var aðeins frá sínum bestu tímum en lenti samt í 2. sæti í 200 m flugsundi og 5. sæti í 100 og 200 metra baksundi 18 og eldri.

Bergún í langstökkinu þar sem hún keppti á heimsmeistaramótinu í frjálsum í Dubai. Hún keppti í 100m, 200m og langstökki. Í langstökki varð hún í fimmta sæti og bætti sinn persónulega árangur um 1cm, 4,27m. Í 100m náði hún besta tímanum á árinu þegar hún hljóp á 14,97s og var í 14. sæti. Í 200m bætti hún sig líka og hljóp á 31,30s og hafnaði í 15. sæti.

Þórður á móti (ekki Norðurlandamótinu). Norðurlandameistaramót í karate var haldið í Kolding í Danmörku 23. nóvember. Þar keppti Þórður í flokki junior (16-17 ára) í kata. Lenti í öðru sæti, tapaði í úrslitum með hársbreidd.

Dagbjartur hér þriðji frá vinstri. Hann var valinn í A-landsliðið á síðasta ári.

June 7, 2017

Og Máttarstólpann 2017 fær….

Afreksíþróttasvið Borgarholtsskóla!!!

Grafarvogsdagurinn var haldinn hátíðlegur í hverfinu nýlega líkt og mörg undanfarin ár. Mikið er um að vera á þessum degi í Grafarvogi og koma margir að dagskránni.

Hverfisráð Grafarvogs hefur staðið fyrir veitingu Máttarstólpans, hvatningarverðlaunum ráðsins. Í reglum um viðurkenninguna segir m.a.

d. Mikilvægt er Grafarvogsbúar fái að njóta árangurs af starfinu og að starf viðkomandi verki hvetjandi á menningar-, íþrótta- og tómastundalíf í hverfinu.
Nánar hér http://reykjavik.is/reglur-um-mattarstolpann-midgardur.

Það teljum við svo sannarlega að sé raunin. Starfið fer fram í hverfisframhaldsskólaskóla Grafarvogs og nýtist því sérstaklega þeim sem búa í nærumhverfinu og æfa íþróttir af miklum dug. Fjölnir hefur notið góðs af þessari starfsemi og nú stendur til að efla það samstarf ennfrekar með uppbyggingu íþróttamannvirkis við Egilshöll og samstarfssamnings milli sviðsins og Fjölnis.

Gleðilegt sumar, þessi vetur hefur verið frábær!

Sveinn Þorgeirsson