Í lok hverrar annar uppskera nemendur eins og til hefur verið sáð. Nú er komið að því að kveðja nemendur sem eru að ljúka skólagöngu sinni í Borgarholtsskóla og halda á vit nýrra ævintýra. Okkur finnst eins og þessi árgangur sé nýbúinn að innritast hjá okkur, en auðvitað er ekki svo. Þau fóru flest í góða hjólaferð í upphafi náms hér í Borgarholtsskóla og komust í gegnum námið samhliða heimsfaraldri hvorki meira né minna.
Fra hópeflisferðinni 2018 
Frá hópeflisferðinni 2017
Viðurkenningar fyrir námsárangur
Tveir nemendur fá viðurkenningu fyrir frábæran námsárangur á afreksíþróttasviði. Það eru þau Eyþór Blær og María Björg. Þau hafa staðið sig frábærlega allt frá upphafi síns námsferils hjá okkur hafa verið til fyrirmyndar í ástundun og viðmóti. Til hamingju!
María Björg í leik með Víkingum. 
Námsárangur Eyþórs var til fyrirmyndar
Samstarf við ÍSÍ um mat á námi
Hluti af samstarfi afreksíþróttasviðs Borgarholtsskóla við Íþrótta- og Ólympíusamband Íslands er fólgið í því að nemendur okkar fá námið sitt metið til 1. stigs og bóklegs hluta 2. stigs í þjálfaramenntun ÍSÍ. Þau fá staðfestingarskírteini við útskrift og ÍSÍ fær upplýsingar einnig um hvaða nemendur luku þessum áfanga hjá okkur. Hver veit nema einhverjir nemendur hafi áhuga á þjálfun í framtíðinni 🙂
Útskriftarnemendur vor 2021
Hér eru nöfn þeirra nemenda sem útskrifast frá okkur í vor.
| Arnór Tjörvi Þórsson | Golf |
| Aron Snær Ingason | Fótbolti |
| Benedikt Gunnar Óskarsson | Handbolti |
| Dagbjartur Sigurbrandsson | Golf |
| Dagur Ingi Ingason | Handbolti |
| Elvar Már Kristinsson | Golf |
| Emil Bjartur Sigurjónsson | Klifur |
| Erik Hallgrímsson | Fótbolti |
| Eyþór Blær Guðlaugsson | Fótbolti |
| Ísabella Anna Húbertsdóttir | Fótbolti |
| Ísar Freyr Jónasson | Körfubolti |
| María Björg Marinósdóttir | Fótbolti |
| Mikael Daníel Guðmarsson | Frjálsar |
| Ólafur Kristinn Jónsson | Folf / Handbolti |
| Óliver Máni Scheving | Fótbolti |
| Orri Þórhallsson | Fótbolti |
| Patrik Hermannsson | Fótbolti |
| Rafal Stefán Daníelsson | Fótbolti |
| Sigvaldi Örn Óskarsson | Blak |
| Steindór Máni Björnsson | Keila |
| Úlfur Árnason | Frjálsar |
| Viktor Andri Hafþórsson | Fótbolti |
| Þórður Jökull Henrysson | Karate |
| samtals 23 nemendur |
Það er komið að leiðarlokum okkar með þessum stóra og frábæra hópi nemenda. Við munum sakna ykkar úr skólanum, svo mikið er víst. Gangi ykkur sem allra best í þeim verkefnum sem ykkar bíða!
fyrir hönd kennara á afreksíþróttasviði Borgarholtsskóla
Sveinn Þorgeirsson, verkefnisstjóri