Sæl öll,
Hér hafið þið safaríkt fréttabréf febrúarmánaðar.
með bestu kveðju
SÞ
Magnús Íslandsmeistari og Ellert 1. flokks meistari
Við erum ákaflega ánægð með árangurinn sem náðist hjá Magnúsi og Ellert um helgina. Magnús nældi sér í Íslandsmeistaratitil og Ellert vann 1. flokkinn. Þá kepptu einnig Gestur og Þórunn sem ætla sér stærri hluti á næstu mótum.
Daníel í sveiflu í Boston
Daníel Sverrir nemandi í dansi á afreksíþróttasviði stóð sig frábærlega ásamt dansdömu sinni Sóley er þau kepptu dagana 15.-18. febrúar í Boson. Þar tóku þau þátt í danskeppni Eastern United States Dancesport Championships þar sem þau voru í fyrsta sæti í standard dönsum í hópi ungmenna undir 21 árs og þá höfnuðu þau í öðru sæti í hópi Amateur Rising star.
með hamingjuóskum
Verkefnisstjóri og þjálfarar
Steindór í Katar
Steindór, nemandi á einstaklingsíþróttasviði ferðaðist dagana 12.-18. febrúar til Katar þar sem hann var staddur með U20 landsliðinu í keilu. Þetta var geggjuð ferð í alla staði og lærði ég ýmislegt nýtt, ekki bara keilulega séð heldur líka bara andrúmsloftið í borginni Doha. Þetta var þvílik upplifun og forréttindi að fá að fara þangað á vegum landsliðs. Árangurinn var ágætur (meðalskor um 170) en því miður komst hann ekki í masterinn eins og hann stefndi á fyrir mótið.
Steindór leggur alla áherslu á næsta verkefni sem er mun stærra. Evrópumót unglinga 2018 sem haldið verður í Álaborg dagana 22. mars til 2. apríl. Eins og Steindór segir sjálfur “Þannig núna verður tekið á því. Geggjað að hafa afrekið þarna á milli til að fá aukin styrk og halda góðu mataræði því það skiptir miklu máli. ” Það verður gaman að fylgjast með Steindóri á næstunni og hvort hann nái ekki markmiðum sínum í vor – áfram Steindór!
SÞ
Opnar æfingar á afrekssviðinu
Það var okkur mikil ánægja að taka á móti nemendum úr 9. og 10. bekk á opnar æfingar í körfubolta, handbolta, golfi og fótbolta á afrekssviði. Auk þess buðum við upp á opnar mælingar þar sem nemendur fengu að bera sig saman við getu framhaldsskólanemanna.
Fréttabréf fyrir desember 2017 og janúar 2018 gjörið svo vel
Hér er nýjasta fréttabréfið okkar gjörið svo vel.
Bendum sérstaklega á tækifæri fyrir 9. og 10. bekk til að koma í heimsókn næsta fimmtudag. Meira um það hér:
Opnar mælingar 15. feb
Grunnskólanemendum stendur til boða að meta sig við líkamleg próf afreksíþróttasviðsins og fá endurgjöf strax. Einnig verður Fitlight þraut á boðstólunum. SJÁ: OPNAR MÆLINGAR 15. feb.
SMELLTU-> Körfuboltaæfing með Lárusi Jónssyni í Dalhúsum
SMELLTU-> Golfæfing með Davíð Gunnlaugssyni í Korpu
SMELLTU-> Handboltaæfing með Arnari Gunnarssyni og Roland Eradze
SMELLTU-> Fótboltaæfing með Bjarna Jó, Sigga Þorsteins og Gunna Má
SÞ
Landsliðsstyrkur afhentur í 7. sinn
Landsliðsstyrkur afreksíþróttasviðsins var afhentur í 7. sinn mánudaginn 8. janúar sl. Það var og er alltaf góð stund og í þetta skiptið voru það hvorki fleiri né færri en 19 nöfn sem höfðu tekið þátt í verkefnum landsliða á vegum sérsambands á síðustu önn. Það er glæsilegur árangur og hér gefur að líta yfirlit yfir nemendurna og hvað þau voru að fást við.
Verkefnin sem styrkt voru eru eftirtalin:
Ólympíumót æskunnar þar sem handboltaleikmennirnir Tumi, Arnar, Hafsteinn, Daníel, Björgvin, Þorleifur, Arnór og Goði kepptu fyrir Íslandshönd með U18 ára landsliði Íslands og enduðu í 8. sæti. Þess má geta að þeir kepptu einnig á Sparkassen Cup í Þýskalandi og sigruðu, fyrst íslenskra ka. landsliða til að gera það eftir 20 ára þátttöku í mótinu.
Magnús Gauti borðtennisspilari keppti á sterku móti í Finlandi í byrjun árs og sigraði þar tvær viðreignir sem telst góður árangur.
Norðurlandamótið í sundi skartaði 3 nemendum frá okkur. Bryndís Bolladóttir nældi sér í brons og persónulegar bætingar. Brynjólfur keppti og komst í úrslit í 200m baksundi og var 9. 100m baksundi. Ragna Sigríður keppti svo í 200m skriðsundi þar sem hún hafnaði í 9. sæti.
Andrea Jacobsen lék með A-landsliði Íslands í undankeppni EM í handbolta í tapleikjum gegn sterkum liðum Dana og Tékka.
Jón Albert lék með U18 ára íshokkílandsliði karla á HM 2. deild. Þar endaði liði í 5. sæti.
Ómar, Jóhann og Sigurjón kepptu með U17 ára landsliði Íslands í fótbolta í riðlakeppni EM sem fram fór í Finlandi. Drengirnir stóðu sig vel og komust áfram í milliðriðil.
Frjálsíþróttafólkið okkar lét ekki sitt eftir liggja. Kolbeinn Tómas keppti á Norðurlandamóti Unglinga í fjölþrautum. Þar hafnaði hann í 5. sæti í U18 ára flokki. Bergrún Ósk keppti á HM unglinga í Nottwill í Swiss og hafnaði þar í 1., 4. og 6. sæti í keppni í þrautum.
Við óskum nemendum til hamingju með árangurinn og velfarnaðar á íþrótta og skólaárinu 2018!
Sveinn verkefnisstjóri og þjálfarar
Jólafréttabréf gjörið svo vel!
Hér er bréfið – og njótið hátíðanna vel.
með kveðju
Sveinn verkefnisstjóri og þjálfarar
Frétt af bhs.is – Samstarfssamningur við TM í höfn
Þessi frétt er unninn upp úr frétt af http://www.bhs.is/skolinn/frettir/samningur-vid-tm
Miðvikudaginn 8. nóvember var skrifað undir samstarfssamning við TM sem með samkomulaginu styrkir afreksíþróttasvið Borgarholtsskóla nú sem fyrri ár. Í dag stunda tæplega 150 nemendur nám á afreksíþróttasviði.
Afreksíþróttasvið er fyrir nemendur sem vilja stunda sína íþrótt með álagi afreksmanna samhliða bóknámi. Boðið er upp á knattspyrnu, körfuknattleik, handbolta, íshokkí auk einstaklingsíþrótta. Boðið er upp á sérsniðna dagskrá sem hentar vel þeim sem æfa mikið og vilja gott aðhald og fræðslu.
SÞ
Fitlight í fulla notkun
Við höfum undanfarnar vikur verið að þróa okkur áfram með fitlight búnaðinn okkar. Hann gefur okkur ótal möguleika á útfærslum í hraða og snerpuþjálfun. Hér má sjá nokkrar útgáfur af því sem við höfum verið að vinna með.
SÞ