Category: Uncategorized

Það er okkur sönn ánægja að greina frá því að ákveðið hefur verið að bjóða upp á einstaklignsgreinar á afreksíþróttasviði frá og með næsta hausti. Ákveðin tækifæri hafa skapast með breytingu á náminu í 3ja ára skipulag.

Í vor verður því hægt að skrá sig í einstaklingsíþróttalínu afreksíþróttasviðs.

Umsækjendur skila inn umsókn líkt og aðrir nemendur og tilgreina sína íþrótt. Hver umsóknn verður metin fyrir sig. Munið að skila inn meðmælabréfi frá þjálfara ásamt umsóknareyðublaðinu sjálfu.

Námið verður byggt upp á sama hátt og hópíþróttirnar, s.s. með einum bóklegum tíma og einum styrktíma í viku, nema í stað tækniæfinga hjá hópíþróttum verður verkefnavinna með leiðbeinanda og fundir.

Hér má nálgast kynningarefni fyrir einstaklingsíþróttir

afreks_kynning_einstaklingsgreinar_vor_2015

Hér má nálgast umsóknareyðublaðið

Afreksithrottasvid_BHS_Umsoknareydublad_haust_2015

Afreksíþróttasvið Borgarholtsskóla er í stöðugum vexti og er verkefnið að eflast með hverju árinu. Samhliða breytingum í 3ja ára nám í framhaldsskóla mun afrekssviðið breytast aðeins. Við munum áfram bjóða upp á 6 annir (öll 3 árin) og vera þrisvar í viku líkt og verið hefur.

Með nýju fyrirkomulagi verður einnig opnað fyrir einstaklingsíþróttagreinar að sækja um. Þar erum við spennt fyrir að bjóða upp á sérsniðna dagskrá sem hentar vel þeim sem æfa mikið og vilja gott utanumhald og fræðslu í sína þátttöku í íþróttum.

Forinnritun 10. bekkjarnema verður frá 4.-10. mars. Opið verður fyrir umsóknir á afreksíþróttasvið frá og með 4. mars. Opið verður fyrir umsóknir eldri nema til 31. maí. Nánari upplýsingar eru á menntagatt.is.

Umsóknarfrestur er til 10. júní næst komandi. Lokainnritun verður auglýst og þeim sem komast inn á sviðið tilkynntum það fyrir 17. júní.

Til að sækja um þarf að skila inn útfylltu umsóknareyðublaði ásamt meðmælabréfi á skrifstofu skólans virka daga milli kl. 8:00-16:00 við Mosaveg. Að auki skal sótt um Borgarholtsskóla rafrænt inni á menntagatt.is. Þar skal þess getið undir „aðrar athugasemdir“ að sótt sé um afreksíþróttasvið.

Hér má nálgast eyðublaðið:

Afreksithrottasvid_BHS_Umsoknareydublad_haust_2015

Fyrirspurnir skulu sendast á verkefnisstjóra afreksíþróttasviðs, sveinn@bhs.is

Með bestu kveðju

Sveinn Þorgeirsson

Í gær var afhentur í fyrsta sinn landsliðsstyrkur afreksíþróttasviðs Borgarholtsskóla. Nemendur sem fóru út á vegum síns landsliðs á haustönn fengu afhentan styrk upp á 25 þúsund krónur hver. Á það eflaust eftir að koma í góðar þarfir því margar greinar þurfa að standa undir ferðakostnaði og upphaldi alveg sjálfar. Nú síðast komst kostnaður U-21 árs landsliðs Íslands í handbolta í umræðuna þar sem leikmenn þurftu að greiða yfir 100 þúsund þrátt fyrir að spila sinn riðil á heimavelli.

Hér er hópurinn flotti sem fékk þennan styrk fyrir haustönnina. Við vonumst til að þessi hópur eigi bara eftir að stækka. Afreksíþróttasviðið óskar þessum nemendum til hamingju.

Hér má svo sjá viðurkenningaskjalið sem þau fengu til staðfestingar styrknum.

Eftirfarandi keppnisferðir voru styrktar

• Aron Knútsson, heimsmeistaramót U20 ára með íshokkílandsliði Íslands á Jaca á Spáni
• Andrea Jacobsen, æfingaferð með U17 ára landsliði Íslands í handbolta til Hollands, keppti á móti U19 ára landsliði Hollands
• Kristján Örn Kristjánsson, evrópumeistaramót U19 ára í Póllandi, tryggðu sér keppnisrétt á heimsmeistaramótinu í handbolta.
• Jasmín Erla Ingadóttir, fór til Finnlands að keppa vináttuleiki með U17 ára kvennalandsliðinu í knattspyrnu
• Hulda Hrund Arnardóttir, fór til Litháen með U19 ára til að keppa í undankeppni EM 2015 í knattspyrnu
• Elvar Snær Ólafsson, fór til Spánar með U20 ára landsliði karla í íshokkí í Jaca á Spáni
• Ásgrímur Þór Bjarnason, fór til Moldavíu með U17 ára landsliði karla í knattspyrnu
• Úlfur Gunnar Kjartansson, fór til Frakklands á æfingamót með U17 ára landsliði karla í handbolta

Þessi styrkveiting er vonandi komin til að vera. Við munum veita aftur styrk fyrir ferðalög á vorönn í lok þessarar annar í maí. Styrkveitingunni er ætlað að styðja við okkar efnilega landsliðsfólk úr hinum ýmsu greinum og gera því auðveldara að taka þátt í kostnaðarsömum verkefnum.

Sveinn Þorgeirsson, verkefnisstjóri afreksíþróttasviðs Borgarholtsskóla

Næsta miðvikudag verður í fyrsta skiptið afhentur landsliðsstyrkur til þeirra nemenda sem fóru erlendis með yngri landsliðum Íslands í sinni grein.

Hverjir hljóta styrkinn verður tilkynnt um á miðvikudaginn næsta.

Sveinn Þorgeirsson, verkefnisstjóri

 

Tilkynning:

Nemendur sem vilja sækja um að komast inn á afreksíþróttasvið þurfa að skila inn skriflegri umsókn fyrir kl. 16:00 þann 12. desemeber á skrifstofu skólanns.

Nemendur sem eru á sviðinu þurfa ekki að skila inn umsókn fyrir vorönnina.

Hér má nálgast eyðublaðið:

Afreksithrottasvid_BHS_Umsoknareydublad_vor_2015

Með bestu kveðju

Sveinn Þorgeirsson, verkefnisstjóri afreksíþróttasviðs

 

Nú fyrir skemmstu var Arnór Gauti Ragnarsson leikmaður Breiðabliks og nemandi á afreksíþróttasviði Borgarholtsskóla fenginn út til Englands á reynslu.

Á Englandi fór hann fyrst á æfingar með U21 liði Reading. Þaðan fór hann til Brighton og hefur tekið þátt í æfingum og æfingaleikjum. Skemmst frá því að segja að Arnór setti 4 mörk í æfingaleik gegn Brentford, og fór leikurinn 4-1, virkilega vel gert!

Við óskum Arnóri Gauta til hamingju með þennan árangur og góðs gengis á næstu misserum!

Með bestu kveðju

Þjálfarar afreksíþróttasviðs

 

Nemandi á afreksíþróttasviði Borgarholtsskóla handbolta, Sara Margrét Brynjarsdóttir mun keppa fyrir hönd Bandaríkjanna á móti sem fram fer í Salinas í Puerto Rico. Sara er með tvöfalt ríkisfang og fékk þetta frábæra tækifæri að spila unglingalandslið Bandaríkjanna U19 þrátt fyrir að hún sé fædd 1998 og því í raun að spila uppfyrir sig.

Hér má nálgas frekari upplýsingar frá mótinu sem ber heitið IHF Trophy Cup.
https://www.facebook.com/usateamhandball

Við óskum Söru til hamingju með valið í hópinn og óskum henni góðs gengis!

með bestu kveðju
Sveinn og Óskar og þjálfarar afreksíþróttasviðs

Afreksíþróttafólkið okkar heldur áfram að vera valið í úrtök og landslið.

Nú síðast var það Þróttarinn og afreksíþróttasviðsnemandinn Úlfur Gunnar Kjartansson sem var valinn í U17 ára landsliðið.

Kristján Arason og Konráð Olavsson landsliðsþjálfarar u-17 ára landsliðs karla hafa völdu 17 leikmenn sem koma til með að fara til Frakklands 29. október nk. og taka þar þátt í 4 liða móti.

Við óskum Úlfi og félögum hans í U17 góðs gengis!

Þjálfarar afreksíþróttasviðs

http://www.hsi.is/frettir/frett/2014/10/15/u-17-ara-landslid-karla/?fb_action_ids=820368921348689&fb_action_types=og.likes

Virkilega gaman að segja frá því að afreksstelpurnar okkar, þær Hulda Dagsdóttir og Thea Imani hafa verið valdar í æfingahóp U19 ára landslið kvenna sem æfir um þar næstu helgi. Þær eru vel að þessu komnar og nú er það undir þeim komið að sýna sig og sanna og komast í lokahópinn.

Hópinn má sjá hér. http://www.hsi.is/frettir/frett/2014/10/02/u-19-ara-landslid-kvenna/

Við óskum þeim tveim innilega til hamingju!

THEA IMANI STURLUDÓTTIR

HULDA DAGSDÓTTIR

mbk
Sveinn Þ og Óskar Bjarni