Afreksíþróttasviðsnemendurnir Andrea og Sara Margrét fóru í flotta ferð til USA að keppa í handbolta nú fyrir skemmstu. Við grípum hér inn í stutta ferðasögu frá þeim.
Erum mættar út, svaka sól og hiti erum í New Jersey. Erum að keppa með Ocean NJ Team Handball Club, mótið byrjar á föstudaginn og við munum keppa 4 leiki í riðlinum okkar og svo byrja úrslitin. Eigum leiki gegn 2 liðum frá West point, einu frá Boston og einu frá Carolina.
Liðið okkar komst í undanúrslit og við töpuðum gegn New York með þremur (þær lentu síðan í 2. sæti) og enduðu á því að keppa um 3. sætið gegn North Carolina, leikurinn endaði sem jafntefli en við töpuðum síðan í framlengingu. North Carolina liðið voru allt stelpur sem spila í A landsliði USA. Seinast þegar New Jersey Ocean keppti á þessu móti lentu þær í 9. sæti en núna lentum við í 4.