Afreksíþróttasvið Borgarholtsskóla

Við erum stöðugt að leita að aðferðum til að bæta okkur, bæði nemendur og þjálfarar. Hér er dæmi um útgáfu af hraðaþjálfun sem hefur verið í gerjun hjá okkur undanfarnar vikur. Við erum bara nokkuð ánægðir með útkomuna 🙂

Lykilþáttur í þessu er að stilla fjarlægðirnar milli hlauparans og sendingamanna til að gera sprettina krefjandi. Viðbragðsmerkið er fyrri sendingin, þá leggur hlauparinn af stað og á að stela seinni sendingunni.

með afreks-veður og prófakveðju

Sveinn og Addi

Afreksíþróttasvið knattspyrnu fékk ánægjulega heimsókn frá KSÍ í síðustu viku. Halldór Björnsson landsliðsþjálfari U17 karla og starfsmaður hæfileikamótunar KSÍ kom við og átti nokkur góð orð við hópinn okkar. Við þökkum Halldóri fyrir heimsóknina og við erum þess fullviss að nemendur okkar hafi notið góðs af.

með bestu kveðju

Sveinn og þjálfarar knattspyrnu, Daði og Siggi

Innilega til hamingju stelpur! Glódís, Andrea og Berglind hafa verið valdar í U18 ára landsliðið sem er á leið til Póllands í desember. Þær eru virikilega vel að þessu komnar enda æfa þær vel og eru til fyrirmyndar í öllu sínu.

Við óskum þeim góðs gengis í þessu landsliðsverkefni.

Með þjálfarakveðju!

Sveinn og Addi

Það er okkur gleðiefni að sjá hve margir af okkar nemendum hafa verið valdir í landsliðshópa. Tumi í handboltanum er einn af þeim eins og sjá má hér.

Tumi varð reyndar fyrir því óláni að meiðast á fæti og gat því ekki tekið þátt í þessu verkefni. Við óskum Tuma skjóts bata og hann verður eflaust kominn á fullt fyrir næsta val enda á hann heima í þessum hópi.

með handboltakveðju

Sveinn og Addi

Við áttum skemmtilegan dag, þann 15. október síðastliðinn. Þá hittust allar greinar saman í myndatöku í Egilshöll. Eftir að hafa tekið flottar myndir tókum við Kóreska upphitun og fórum í leiki þar sem Kristján Ómar leiddi hópinn. Að því loknu stjórnaði Halla Karen slökun og lagðist það vel í hópinn. Hópmyndina má sjá hér efst á síðunni.

Hér má sjá stutt vídeó frá deginum sem við köllum Afreksleika Borgarholtsskóla!

Sveinn Þorgeirsson

Enn einn ísinn er brotinn! Thea Imani Sturludóttir var í gær fyrsta stelpan af AIS Borgarholtsskóla til að vera valin í A-landslið í handknattleik! Þetta er virkilega ánægjulegt og gefur okkur byr undir báða vængi.

Við óskum Theu og félagi hennar Fylki til hamingju með valið og megi þau vera miklu fleiri í framtíðinni 🙂

með kveðju

Sveinn og Addi, þjálfarar í handbolta á AIS