Posted on

Skemmtileg lokaverkefni kynnt af nemendum á síðasta degi

Í vor klárar frábær hópur nemenda sína 6. önn á afreksíþróttasviði. Þessir nemendur hafa undanfarna mánðuði unnið að lokaverkefnið tengdu áhugasviði þeirra. Verkefnin voru afar fjöldbreytt og höfðu öll góða tengingu við það efni sem við höfum rætt og kennt hér á afreksíþróttasviðinu. Dæmi um verkefni eru; svefnvenju, krossbandaslit, næring fyrir keppni, væntingar, sjálfstraust, liðsheild og álagsmeiðsli svo dæmi séu tekin. Nemendur unnu leituðu heimilda, skrifuðu ritgerð, tóku viðtöl, lögðu fyrir og greindu spurningalista ásamt því að fá þjálfun í kynningu og verja verkefnið að lokum. Þetta fyrirkomulag er nýtt og þótti takast vel. Nemendur lærðu heilmikið og ljóst að sambærilegur háttur verður hafður á að ári.

Veggspjald. Hluti af lokaverkefni Arnars Hugins um krossbandsslit hjá íþróttamönnum. Orsakir, meðferð og forvarnir.
Nemendur afreksíþróttasviðs ásamt framkomu og tjáningarþjálfaranum Guðlaugu Maríu Bjarnadóttur.
Nemendur afreksíþróttasviðs ásamt framkomu og tjáningarþjálfaranum Guðlaugu Maríu Bjarnadóttur sem er í rauðu fyrir miðju.

Að lokum er hér eitt dæmi um lokaverkefni sem kynnt var á þessum degi. Það var unnið af Loga Ágústssyni og fjallar um svefnvenjur afreksíþróttanemenda. Verkefnið má nálgast hér:
 logi_agustsson_lokaverkefni_AIS_2016_vor

þessa hóps verður sárt saknað af afreksíþróttasviðinu!

með bestu kveðju

Sveinn verkefnisstjóri

Posted on

4. afhending landsliðsstyrks

Í hádeginu í gær fór fram 4. afhending á landsliðsstyrk á afreksíþróttasviðinu. Þeir nemendur sem hafa tekið þátt í landsliðsverkefnum á vegum sérsambands fá 25.000 kr. styrk. Þetta fyrirkomulag hefur mælst vel fyrir þar sem töluverður kostnaður getur fylgt þátttöku.

Eftirfarandi nemendur fengu styrk að þessu sinni.

Afreksíþróttasviðsnemendur
Afhending styrks. Efri röð frá vinstri, Sveinn, Donni, Hulda, Helgi og Ingi Bogi. Neðri röð frá vinstri. Elvar Snær, Hjalti Jó, Thea Imani og Bryndís.
  • Elvar Snær Ólafsson og Hjalti Jóhannsson fóru til Mexíkó með U20 ára landsliði Íslands í íshokkí.
  • Helgi Guðjónsson knattspyrnumaður tók þátt í milliriðli fyrir EM í Frakklandi í apríl með landsliði Íslands.
  • Bryndís Bolladóttir sundkona keppti fyrir Íslands hönd hér á landi.
  • Thea Imani Sturludóttir og Hulda Dagsdóttir kepptu
  • Kristján Örn Kristjánsson fór til Póllands og keppti í undakeppni EM U20 í handbolta

Til hamingju með þetta kæru nemendur!

Sveinn verkefnisstjóri og þjálfarar

Posted on

Margt í gangi í einu

Þriðjudagar eru bóklegir dagar hjá okkur. Oft fáum við heimsóknir frá góðum gestum og þriðjudagurinn í síðustu viku var engin undantekning. Þá var í gangi kennsla í þjálffræði fyrir 1. árið sem var í höndum Kristjáns Ómars Björnssonar.

Á sama tíma fengum við Guðlaugu Maríu Bjarnadóttur til að kenna nemendum á 3ja ári hvernig við höldum kynningar og fyrirlestra. Tíminn var í fomi verklegra æfinga og fyrirlesturs. Þessi kennsla var liður í undirbúningi nemenda fyrir lokaverkefni sem þau flytja í vor.

20160419_133437
Verkleg æfing með Guðlaugu Maríu.

Á neðri hæðinni fengu svo nemendur á 2. ári góða heimsókn frá Kjartani Atla Kjartanssyni sem fjallaði um margt áhugavert er tengist ferli íþróttamannsins og þeim þáttum sem stuðla að árangri.

13052680_10153548147612592_1935047987_o
Kjartan Atli fjallar um sjálfbæra íþróttamenn í tímanum Afrekshugsun sem Daði Rafnsson stýrir.

 

Sveinn Þorgeirsson, verkefnisstjóri afreksíþróttasviðs,

sveinn@bhs.is

Posted on

Hans í Tromsø IL á reynslu!

Það gerist reglulega að nemendur okkar fara út á reynslu með erlendum félagsliðum. Síðasti afreksíþróttanemandinn sem fór í slíka ferð var Fjölnismaðurinn Hans Viktor Guðmundsson. Hann segir ferðina hafa verið mjög skemmtilega og reynslan að kynnast lífi atvinnumannsins áhugaverð.

allir dagarnir voru svipaðir hjá okkur það var yfirleitt æfing klukkan 11:00 eða 14:00 og það var oft morgunmatur eða hádegismatur fyrir eða eftir æfingu á vellinum með öllu liðinu. Það voru 3 videofundir þar sem andstæðingurinn var greindur og hvernig þeir spiluðu og hvernig þeir pressuðu.

TROMSÖ.jpg
Hér má sjá Hans til vinstri ásamt þjálfara og öðrum leikmanni sem var á reynslu hjá félaginu á sama tíma.

Hann var ekki eini Fjölnismaðurinn á svæðinu því hann dvaldi m.a. hjá Aroni Sigurðssyni sem nýverið skrifaði undir hjá liðinu.

þar spiluðum við eða vorum í playstation eða horfðum á fótboltaleiki og körfuboltaleiki…þannig þetta var mjög skemmtileg ferð og gaman að upplifa hvernig atvinnumennskan er. Það var aðeins meira tempó á æfingum en hérna heima og aðeins meiri gæði sem var mjög skemmtilegt.

Gaman að sjá okkar nemendur fara í svona verkefni! Þess má geta að Hans er stefnir á útskrift frá Borgarholtsskóla í vor.

Gangi þér vel Hans!

með kveðju

Sveinn verkefnisstjóri og þjálfarar AÍS

Posted on

Golfararnir okkar í Portúgal!

Nemendur í golfi á afreksíþróttasviði Borgarholtsskóla fóru á dögunum í æfingaferð til Morgado í Portúgal. Ferðin var farin með VITAgolf og í samfloti með Golfklúbbi Mosfellsbæjar.

Drengirnir 3 stóðu sig afar vel og voru bæði sér og skólanum til mikils sóma. 8 – 10 klst á hverjum degi var varið í æfingar og spil á glæsilegum golfvöllum en á Morgado svæðinu eru tveir 18 holu golfvellir og frábær æfingaaðstaða. Ferðin var farin dagana 4-11. apríl og munar gríðarlega mikið að fá 7 góða daga við bestu aðstæður.

Drengirnir eiga hrós skilið fyrir flotta frammistöðu og koma þeir klárir inn í golfsumarið 2016.

Mynd frá ferðinni nú í apríl.
Mynd frá ferðinni nú í apríl. Birgi til vinstri, Jón fyrir miðju og Aron til hægri.
Posted on

Finnur landsliðsþjálfari kom í heimsókn!

Á dögunum fengum við frábæran gest á afreksíþróttasviðið í Borgó. Þar var mættur Finnur Freyr Stefánsson, þjálfari meistaraflokks KR í körfubolta og aðstoðarlandsliðsþjálfari A liðs karla.

Nemendur fengu góða leiðsögn og fóru í gegnum mikilvæg atriði í tækniatriðum körfuknattleiks. Við þökkum Finni fyrir heimsóknina og vonandi fáum við hann aftur í heimsókn síðar.

12719293_10154062790022147_8257179815663574888_o 12772047_10154062790902147_5938283434086565590_o